| In A su bista! (Wenzel Großmann) | |
|
A vrfluchtr Wag is dar iwr'n Reischbarg! War schie amol mit zwa Pfar naufgafohrn is unn hot'n Woogn voll gepflostrt gahottn fr dreia, dar ward mr Gelam gahm.
Dr Hons-Toffl-Grußr kohm do nachtn vo Koodn mit an tichtig Fuhr Schtruh; sei Flul wor a drbei. Nu kohma sa on Reischbarg. Oha! Do schtinna da Pfar! Nu Leit, die Kummedia hett'r sah selln. Dr Grußa, des is dr Vootr, schiebt un brüllt: "Wir! Wir! Wir!" De Pfar hom ogagriffn wie narrisch, obr dr Woogn blub stieh. "Nu Dunnrwatter" schreit dr Olta, "Flurl greif du in de Spang; itza war ich zu die Himmlhund sah!" Nu heit dr Hons-Toffl-Grußr in de Pfar un flucht un sakramentiert, doß sich de Himml mecht auftu! De Pfar ziha o wie de Barn: se haua, schlogn, beißn, springa übr de Sträng unn dr Wogn blätt stieh, jo Leita, blätt stieh. Nu kummt's klane Flurl zum Vootr un socht: "Mit Fluchn unn Schaltn zwingt'r nischt, Vootr." Versuch's mit'n Batn! Dortn gleich vier uns stieht ohn Stroßngrobn dr heilicha Johannes; rieft'n amol o, ich war drweil de Pfar in de Hend namma un de Peitsch. Dos lächt'n Hons-Toffl-Grußr ei. Mit'n Hut in dr Hond steiht'r vur'n heiling Johannes unn batt. 's Flurl heit in de Pfar un schreit, unn schreit, unn dr Wogn blätt stieh, blätt stieh. Nu schreit 's Flurl vu de Pfar riebr zum Vootr: "Dr heilicha Johannes werd holt eier Batn net heern, ar stieht jo ze huch drum of dr Säul!" 's Flurl wor a gescheitr Boß, dr Vootr obr nuch gescheitr. Kammst, daß dr Flurl des Wort aus'm Maul hott, klettrt dr Vootr schie o dr stanrna Säul in de Höh. Wie'r gonz uhm wor, mr sullt's net denkn! sterzt dr heilicha Johannes zammst dr Säul um. Nu obr itza! Dr Boß heit in Pfar wie besassn. De Pfar sei drschockn ibr dos Gepurzel unn ziea o wie dr Teifl, unn dr Woogn, host'n gesah! Dar gieht naus übern Reischbarg wie's Dunnrwattr. Nu stieht dr Vootr longsom auf, guckt erscht enne Weil en heilig Johannes o unn socht nochtr za ihm: "A su bista! Wenn mr diech net imreiß, herrschta nischt!" Quelle: 'Ortskunde von Reischdorf' von Ernst Fischer |